Transmeton Ke'b bin Murrah: Një burrë erdhi te Pejgamberi (s.a.v.s.) dhe i tha: "O i Dërguari i Allahut, lute Allahun për shi!" Atëherë i Dërguari i Allahut (s.a.v.s.) i ngriti duart dhe tha: "O Allah! Na jep shi të mbarë e të begatë, gjithëpërfshirës, sa më shpejt e pa vonesë, të dobishëm e jo të dëmshëm!" Ai tha: Nuk e përfunduan Namazin e Xhumasë derisa lutja u pranua. Më vonë erdhën te ai dhe u ankuan për shiun, duke thënë: "O i Dërguari i Allahut, shtëpitë po rrënohen!" Ai tha: "O Allah, rreth nesh e jo mbi ne!" Atëherë retë filluan të shpërndaheshin djathtas dhe majtas.