Transmeton Ibn Abbasi: Një beduin erdhi te Pejgamberi (s.a.v.s.) dhe tha: "O i Dërguari i Allahut, kam ardhur te ti nga një popull që nuk ka ku t’i kullosë kopetë e tyre dhe madje edhe devetë e tyre meshkuj janë dobësuar." Ai u ngjit në minber, e lavdëroi Allahun dhe pastaj tha: "O Allah, na lësho shi ndihmues, të mbarë, gjithëpërfshirës, pjellor, të bollshëm, të shpejtë e pa vonesë." Pastaj zbriti dhe kushdo që vinte tek ai nga çdo drejtim, thoshte: "Jemi gjallëruar."