Transmeton Abdullah bin Ebi Evfa:

I Dërguari i Allahut (s.a.v.s.) doli para nesh dhe tha: "Kushdo që ka ndonjë nevojë nga Allahu ose nga ndonjë prej krijesave të Tij, le të marrë abdest dhe le t'i falë dy rekate namaz, pastaj le të thotë: 'La ilahe il-lallallhull-Halimul-Kerim. Subhanallahi Rabbil-arshil-adhim. El-hamdu lillahi Rabbil-alemin. Allahumme inni es’eluke muxhibati rahmetike, ve aza’ime magfiretike, vel-ganimete min kul-li birrin, ves-selamete min kul-li ithmin. Es’eluke el-la tede’a li dhenben il-la gafertehu, ve la hemmen il-la ferraxhtehu, ve la haxhaten hije leke ridan il-la kadajtaha li' (Nuk ka zot tjetër që meriton adhurimin përveç Allahut, të Butit, Bujarit. I Lartësuar qoftë Allahu, Zoti i Arshit të Madhërishëm. Lavdërimi i takon Allahut, Zotit të botëve. O Allah, unë kërkoj prej Teje mjetet e mëshirës Sate dhe faljen Tande, përfitimin nga çdo mirësi dhe shpëtimin nga çdo mëkat. Të lutem të mos më lësh asnjë mëkat pa ma falur, asnjë brengë pa ma larguar dhe asnjë nevojë që është në pëlqimin Tënd pa ma plotësuar). Pastaj le të kërkojë nga Allahu çfarë të dojë nga çështjet e kësaj bote dhe të ahiretit, sepse ajo do të caktohet."