Transmeton Ebu Rafiu:

I Dërguari i Allahut (s.a.v.s.) i tha Abbasit: "O ungj, a të të jap një dhuratë, a të të sjell dobi, a të t'i forcoj lidhjet e farefisnisë?" Ai u përgjigj: "Po, o i Dërguari i Allahut." Ai tha: "Fali katër rekate namaz, ku në çdo rekat lexon suren el-Fatiha dhe një sure tjetër. Kur të mbarosh leximin, thuaj: 'Subhanallah, uel-hamdu lila, ue la ilahe il-lallah, uallahu ekber' pesëmbëdhjetë herë para se të shkosh në ruku. Pastaj shko në ruku dhe thuaji dhjetë herë; pastaj ngrije kokën nga rukuja dhe thuaji dhjetë herë; pastaj bjer në sexhde dhe thuaji dhjetë herë; pastaj ngrije kokën dhe thuaji dhjetë herë; pastaj bjer përsëri në sexhde dhe thuaji dhjetë herë; pastaj ngrije kokën dhe thuaji dhjetë herë para se të ngrihesh në këmbë. Këto bëjnë shtatëdhjetë e pesë herë në çdo rekat, që gjithsej bëjnë treqind herë në të katër rekatet. Edhe nëse mëkatet e tua janë sa kokrrat e rërës, Allahu do t'i falë ato." Ai e pyeti: "O i Dërguari i Allahut, po nëse dikush nuk mundet ta bëjë këtë çdo ditë?" Ai u përgjigj: "Atëherë bëje një herë në javë; nëse nuk mundesh, bëje një herë në muaj," derisa tha: "bëje një herë në vit."