Transmeton Ebu Galibi:

E pashë Enes bin Malikun duke falur namazin e xhenazes për një burrë dhe ai qëndroi përballë kokës së tij. Pastaj u soll një xhenaze tjetër, ajo e një gruaje, dhe i thanë: "O Ebu Hamza! Fale namazin e xhenazes edhe për këtë." Ai u ndal përballë mesit të saj. Ala bin Zijadi i tha: "O Ebu Hamza! A kështu e ke parë të Dërguarin e Allahut (s.a.v.s.) duke qëndruar në raport me trupin e burrit dhe të gruas, ashtu siç qëndrove ti?" Ai u përgjigj: "Po." Pastaj u kthye nga ne dhe tha: "Mbajeni mend këtë!"