Transmeton El-Adre' es-Sulemi:

Erdha një natë për ta ruajtur Pejgamberin (s.a.v.s.) dhe aty ishte një burrë që po lexonte me zë të lartë. Pejgamberi (s.a.v.s.) doli jashtë, ndërsa unë i thashë: "O i Dërguari i Allahut, ky njeri po shtiret (bën syfaqësi)." Më pas ai vdiq në Medinë dhe, pasi përfunduan përgatitjen e tij, e bartën kufomën e tij. Pejgamberi (s.a.v.s.) tha: "Silluni butë me të, Allahu qoftë i butë me të, sepse ai e donte Allahun dhe të Dërguarin e Tij." Kur iu hap varri, ai (s.a.v.s.) tha: "Zgjerojani atij, Allahu ia zgjeroftë atij." Disa nga shokët e tij i thanë: "O i Dërguari i Allahut, ti po pikëllohesh për të." Ai u përgjigj: "Po, vërtet, sepse ai e donte Allahun dhe të Dërguarin e Tij."