Transmeton Ummu Seleme se Ebu Seleme i kishte treguar asaj se e kishte dëgjuar të Dërguarin e Allahut (s.a.v.s.) duke thënë: "Nuk ka asnjë musliman që goditet nga një fatkeqësi dhe vepron ashtu siç e ka urdhëruar Allahu duke thënë: 'Inna lillahi, ue inna ilejhi raxhi'un. Allahume 'indeke ahtasebtu musibeti, fexhurni fiha, ue 'auuidni minha' (Të Allahut jemi dhe tek Ai do të kthehemi. O Allah, tek Ti kërkoj shpërblimin për fatkeqësinë time, andaj më shpërble për të dhe ma zëvendëso me diçka më të mirë), vetëm se Allahu do ta shpërblejë atë për këtë dhe do t'ia zëvendësojë me diçka më të mirë se ajo." Ajo tha: "Kur vdiq Ebu Seleme, u kujtova për atë që ai më kishte treguar nga i Dërguari i Allahut (s.a.v.s.) dhe thashë: 'Inna lillahi, ue inna ilejhi raxhi'un. Allahume 'indeke ahtasebtu musibeti, fexhurni 'alejha'. Por, kur desha të thosha 'ue 'auuidni minha' (dhe ma zëvendëso me diçka më të mirë), i thashë vetes: 'Si mund të zëvendësohem me diçka më të mirë se Ebu Seleme?' Pastaj e thashë atë, dhe Allahu ma zëvendësoi me Muhamedin (s.a.v.s.) dhe më shpërbleu për fatkeqësinë time."