Transmeton Enesi: Pas vdekjes së të Dërguarit të Allahut (s.a.v.s.), Ebu Bekri i tha Omerit: "Eja të vizitojmë Umm Ejmenin ashtu siç e vizitonte i Dërguari i Allahut (s.a.v.s.)." Kur arritën tek ajo, ajo filloi të qante. Ata i thanë: "Përse po qan? Ajo që është tek Allahu është më e mirë për të Dërguarin e Tij." Ajo u përgjigj: "Unë e di që ajo që është tek Allahu është më e mirë për të Dërguarin e Tij, por po qaj sepse Shpallja nga qielli u ndërpre." Kjo i bëri edhe ata të dy të qanin bashkë me të.