Transmeton Evs bin Evsi: I Dërguari i Allahut (s.a.v.s.) ka thënë: "Një nga ditët tuaja më të mira është dita e xhuma. Në këtë ditë është krijuar Ademi, në këtë ditë do të fryhet në Sur dhe në këtë ditë do të ndodhë shkatërrimi i gjithësisë. Prandaj, dërgoni sa më shumë salavate mbi mua në këtë ditë, sepse salavatet tuaja do të më paraqiten mua." Një burrë pyeti: "O i Dërguari i Allahut, si do të të paraqiten salavatet tona kur ti të jesh tretur (në tokë)?" Ai (s.a.v.s.) tha: "Vërtet, Allahu ia ka ndaluar tokës që t'i konsumojë trupat e Pejgamberëve."