Transmeton Aishja: I Dërguari i Allahut (s.a.v.s.) u martua me mua kur isha gjashtë vjeçe. Pastaj erdhëm në Medinë dhe u vendosëm te fisi Banu Harith bin Hazrexh. U sëmura dhe m'u rralluan flokët, por më pas më mbinë sërish dhe m'u rritën. Nëna ime, Umm Rumani, erdhi tek unë ndërsa isha në një kolovajzë me disa shoqe të mia dhe më thirri. Shkova tek ajo pa e ditur se çfarë donte prej meje. Më mori për dore dhe më ndaloi te dera e shtëpisë, derisa m’u qetësua frymëmarrja. Pastaj mori pak ujë, më fshiu fytyrën dhe kokën, dhe më futi brenda në shtëpi. Aty ishin disa gra nga Ansarët, të cilat thanë: "Për hair, bekim dhe mbarësi." Ajo më dorëzoi tek ato dhe ato më përgatitën. Nuk më befasoi asgjë tjetër, përveç ardhjes së të Dërguarit të Allahut (s.a.v.s.) në kohën e paradites. Ajo më dorëzoi tek ai dhe në atë kohë unë isha nëntë vjeçe.