Transmeton Ummu Habibe: I thashë të Dërguarit të Allahut (s.a.v.s.): "Martohu me motrën time, Azën." I Dërguari i Allahut (s.a.v.s.) tha: "A dëshiron vërtet që ta bëj këtë?" Ajo tha: "Po, o i Dërguari i Allahut. Unë nuk jam bashkëshortja jote e vetme dhe personi që më së shumti dëshiroj ta ndajë këtë mirësi me mua është motra ime." I Dërguari i Allahut (s.a.v.s.) tha: "Vërtet, kjo nuk më lejohet mua." Ajo tha: "Kemi dëgjuar se ti dëshiron të martohesh me Durrën, bijën e Ebu Selemes." Ai tha: "Bijën e Ummu Selemes?" Ajo tha: "Po." I Dërguari i Allahut (s.a.v.s.) tha: "Edhe sikur ajo të mos ishte thjeshtra ime që rritet nën kujdesin tim, ajo nuk do të më lejohej mua, sepse ajo është bija e vëllait tim prej qumështit. Thuejbeja na ka dhënë gji mua dhe babait të saj. Prandaj, mos mi ofroni për martesë motrat tuaja dhe as bijat tuaja."