Transmeton Thalebe el-Ensariu: Amr bin Samure erdhi te i Dërguari i Allahut (s.a.v.s.) dhe tha: “O i Dërguari i Allahut! Unë kam vjedhur një deve të filan fisit; më pastro!” Pejgamberi (s.a.v.s.) dërgoi njerëz te ata dhe ata u përgjigjën: “Po, na ka humbur një deve.” Atëherë Pejgamberi (s.a.v.s.) urdhëroi që t’i pritej dora. Thalebe tha: “Unë po e shikoja atë kur i ra dora, ndërsa ai thoshte: ‘Lavdia i qoftë Allahut, i Cili më pastroi prej teje; ti dëshiroje ta fusje tërë trupin tim në Zjarr!’”