Transmeton Ebu Hurejre: I Dërguari i Allahut (s.a.v.s.) ka thënë: "Allahu ka përgatitur për atë që del në rrugën e Tij – e nuk e nxjerr atë asgjë tjetër përveç xhihadit në rrugën Time, besimit tek Unë dhe vërtetimit të të dërguarve të Mi – garancinë që ta fusë në Xhenet ose ta kthejë në shtëpinë e tij prej nga ka dalë, me shpërblimin apo prenë e luftës që ka fituar." Pastaj tha: "Pasha Atë, në Dorën e të Cilit është shpirti im, sikur të mos ishte se do t’u rëndoja muslimanëve, nuk do të mbetesha kurrë prapa asnjë ekspedite që del në rrugën e Allahut. Por unë nuk kam mundësi t'u siguroj atyre mjete udhëtimi, e as ata nuk gjejnë mundësi për të më ndjekur, e as nuk do të ndiheshin mirë duke mbetur prapa meje. Pasha Atë, në Dorën e të Cilit është shpirti i Muhamedit, do të dëshiroja të luftoja në rrugën e Allahut e të vritesha, pastaj të luftoja e të vritesha, pastaj të luftoja e të vritesha."