Transmeton Ebu Hurejre: I Dërguari i Allahut (s.a.v.s.) ka thënë: “Tre personave Allahu nuk do t’u flasë në Ditën e Kiametit, nuk do t’i shikojë ata dhe as nuk do t’i pastrojë, dhe për ta do të ketë dënim të dhembshëm: një burrë që ka tepricë uji në shkretëtirë dhe ia refuzon atë udhëtarit; një burrë që i shet një njeriu një mall pas namazit të ikindisë, duke u betuar në Allahun se e ka blerë atë me aq e aq çmim dhe tjetri e beson, ndërkohë që nuk është ashtu; dhe një burrë që i jep besën një udhëheqësi vetëm për përfitime të kësaj bote, nëse ai i jep diçka prej saj, ai e përmbush besën, por nëse nuk i jep asgjë, ai nuk e përmbush atë.”