Transmeton gjyshja e Ebu Bekër bin Abdullah bin ez-Zubejrit (nuk e di nëse ishte Esma bint Ebi Bekër apo Su’da bint Auf): I Dërguari i Allahut (s.a.v.s.) hyri te Duba’ah bint Abdul-Mutalib dhe i tha: “Çfarë po të pengon, o halla ime, nga kryerja e Haxhit?” Ajo tha: “Jam grua e sëmurë dhe kam frikë se do të pengohem (nga përfundimi i tij).” Ai tha: “Vishu në Ihram dhe vendose kushtin se vendi ku ti do të dalësh nga Ihrami është aty ku do të pengohesh.”