Transmeton Xhabir bin Abdullahu: Ne filluam Telbijen vetëm për Haxh bashkë me të Dërguarin e Allahut (s.a.v.s.) dhe nuk e përziem atë me Umre. Arritëm në Mekë kur kishin kaluar katër netë nga muaji Dhul-Hixhxhja dhe, pasi bëmë Tavafin rreth Qabes dhe Sa’jin midis Safas dhe Marvas, i Dërguari i Allahut (s.a.v.s.) na urdhëroi që ta kthenim atë në Umre, të dilnim nga Ihrami dhe të kishim marrëdhënie me gratë tona. Ne thamë: “Kanë mbetur vetëm pesë ditë deri në Arafat. A do të shkojmë atje duke pikuar spermë nga organet tona?” I Dërguari i Allahut (s.a.v.s.) tha: “Unë jam më i devotshmi dhe më i vërteti prej jush, dhe sikur të mos kisha sjellë kurbanin me vete, edhe unë do të dilja nga Ihrami.” Suraka bin Maliku tha: “A është kjo për këtë vit apo përgjithmonë?” Ai tha: “Jo, kjo është përgjithmonë e përgjithmonë.”