Transmeton Amër bin el-Ahvas: E kam dëgjuar Pejgamberin (s.a.v.s.) duke thënë gjatë Haxhit të Lamtumirës: "O njerëz! Cila ditë është më e shenjta?" – këtë e tha tri herë. Ata u përgjigjën: "Dita e Haxhit të Madh." Ai tha: "Vërtet, gjakrat tuaj, pasuritë tuaja dhe nderi juaj janë të shenjta mes jush, ashtu siç është e shenjtë kjo ditë e juaja, në këtë muajin tuaj e në këtë vendin tuaj. Askush nuk bën gjynah përveçse kundër vetvetes. As babai nuk ndëshkohet për gjynahun e fëmijës së tij, dhe as fëmija nuk ndëshkohet për gjynahun e babait të tij. Shejtani ka humbur shpresën se do të adhurohet ndonjëherë në këtë vendin tuaj, por ai do të pasohet në disa prej veprave tuaja që ju i konsideroni të parëndësishme, dhe ai do të jetë i kënaqur me këtë. Të gjitha gjakmarrjet e kohës së xhahilijetit janë të anuluara, dhe e para prej tyre që unë e anuloj është gjakmarrja e Harith bin Abdul-Muttalibit, i cili ishte i dhënë për gji te fisi Benu Lejth dhe u vra nga fisi Hudhejl. Të gjitha kamatat e xhahilijetit janë të anuluara, por juve ju takon kapitali juaj. Mos bëni padrejtësi e as mos ju bëhet padrejtësi. O umeti im, a e përcolla mesazhin?" – këtë e tha tri herë. Ata thanë: "Po." Ai tha: "O Allah, dëshmo!" – tri herë.