Transmeton Shekiku: Një burrë dërgoi përmes meje disa dërhemë si dhuratë për Shtëpinë (Qabenë). Ai tha: Hyra në Shtëpi dhe Shejbeja ishte ulur në një karrige. I dhashë ato dhe ai më pyeti: "A janë tuat?" I thashë: "Jo, sikur të ishin të miat, nuk do t'i sillja te ti." Ai tha: "Përderisa e thua këtë, edhe Omer bin el-Hatabi pati ndenjur në këtë vend ku je ulur ti dhe tha: 'Nuk do të dal derisa ta shpërndaj pasurinë e Qabesë mes muslimanëve të varfër'." I thashë: "Ti nuk do ta bësh këtë." Ai tha: "Gjithsesi do ta bëj." Ai (Shejbeja) tha: "E përse?" I thashë: "Sepse Pejgamberi (s.a.v.s.) dhe Ebu Bekri e panë vendin e saj, e ata kishin më shumë nevojë për pasuri sesa ti, por nuk e lëvizën atë." Atëherë ai (Omeri) u ngrit ashtu siç ishte dhe doli.