Transmeton El-Bara bin Azibi: Ubejd bin Fejruzi i tha El-Bara bin Azibit: "Më trego se çfarë ka urryer ose ka ndaluar i Dërguari i Allahut (s.a.v.s.) nga kurbanet." Ai tha: "I Dërguari i Allahut (s.a.v.s.) bëri kështu me dorën e tij — ndërsa dora ime është më e shkurtër se e tija: 'Katër lloje nuk lejohen për kurban: ajo me një sy, verbëria e së cilës është e qartë; e sëmura, sëmundja e së cilës është e dukshme; e çala, çalamania e së cilës është e qartë; dhe e dobëta që nuk ka palcë në kockat e saj.'" Ai (Ubejdi) tha: "Unë nuk e pëlqej që kafsha të ketë ndonjë të metë në vesh." Ai (El-Bara) u përgjigj: "Atë që nuk e pëlqen, lere vetë, por mos ua bëj haram të tjerëve."