Transmeton Ebu Said el-Hudriu: Ebu Musa kërkoi leje për të hyrë te Omeri tri herë, por nuk iu dha leja, kështu që ai u largua. Omeri e thirri dhe e pyeti: "Çfarë të ktheu mbrapsht?" Ai u përgjigj: "Kërkova leje ashtu siç na ka urdhëruar i Dërguari i Allahut (s.a.v.s.): tri herë; nëse na jepet leje hyjmë, e nëse nuk na jepet leje, kthehemi." Omeri tha: "Për këtë duhet të më sjellësh dëshmi, përndryshe do të të ndëshkoj!" Atëherë ai shkoi në një tubim të popullit të tij dhe u kërkoi atyre të dëshmonin, e ata dëshmuan për të, kështu që Omeri e la të lirë.