Transmeton Ebu Dherri se i Dërguari i Allahut (s.a.v.s.) ka thënë: Allahu i Bekuar dhe i Madhëruar thotë: "Kush vjen me një vepër të mirë, do të shpërblehet me dhjetëfishin e saj dhe më shumë, ndërsa kush vjen me një vepër të keqe, ndëshkimi i saj do të jetë vetëm sa ajo, ose do ta fal atë. Kush më afrohet Mua sa një pëllëmbë, Unë i afrohem atij sa një krah; kush më afrohet Mua sa një krah, Unë i afrohem atij sa një pash; kush më vjen Mua duke ecur, Unë i shkoj atij me nxitim. Kush më takon Mua me mëkate sa toka, por duke mos më shoqëruar asgjë në adhurim, Unë do ta takoj atë me po aq falje."