Transmeton Ebu Bekri: Ai tha, pasi kishte ndërruar jetë Pejgamberi (s.a.v.s.): "I Dërguari i Allahut (s.a.v.s.) qëndroi në këtë vend ku po qëndroj unë tani, vitin e kaluar." Pastaj Ebu Bekri qau dhe tha: "Përmbahuni të vërtetës, sepse ajo është së bashku me mirësinë dhe që të dyja të çojnë në Xhenet. Dhe ruajuni nga gënjeshtra, sepse ajo është së bashku me shfrenimin dhe që të dyja të çojnë në Zjarr. Kërkojini Allahut mirëqenie, sepse askujt nuk i është dhënë diçka më e mirë pas bindjes sesa mirëqenia. Mos keni smirë ndaj njëri-tjetrit, mos u urreni, mos i shkëputni lidhjet mes vete, mos ia ktheni shpinën njëri-tjetrit dhe bëhuni, o robër të Allahut, vëllezër."