Transmeton Ebu Ajjash ez-Zuraki se i Dërguari i Allahut (s.a.v.s.) ka thënë: "Kush thotë në mëngjes: 'La ilahe il-lall-llahu vahdehu la sherike leh, lehul-mulku ve lehul-hamdu ve Huve ala kul-li shej'in Kadir' (Nuk ka të adhuruar tjetër me të drejtë përveç Allahut, Një dhe i Vetëm, i Cili nuk ka ortak. Atij i takon sundimi dhe lavdërimi, dhe Ai është i Fuqishëm mbi çdo gjë) - do të ketë shpërblimin e lirimit të një skllavi nga pasardhësit e Ismailit, do t'i fshihen dhjetë mëkate, do të ngrihet dhjetë shkallë në gradë dhe do të jetë i mbrojtur nga shejtani deri në mbrëmje. Kur të vijë mbrëmja, nëse e thotë të njëjtën, do të ketë të njëjtin shpërblim deri në mëngjes." Transmetuesi tha: "Një burrë e pa të Dërguarin e Allahut (s.a.v.s.) në ëndërr dhe i tha: 'O i Dërguari i Allahut, Ebu Ajjashi po transmeton kështu dhe kështu prej teje.' Ai (s.a.v.s.) tha: 'Ebu Ajjashi ka thënë të vërtetën.'"