Transmeton Ebu Hurejra se Pejgamberi (s.a.v.s.) ka thënë: "Kur njeriu del nga dera e shtëpisë së tij, me të janë dy melekë të ngarkuar për të. Nëse ai thotë Bismil-lah (Me emrin e Allahut), ata thonë: 'Je udhëzuar'. Nëse ai thotë La haule ue la kuvvete il-la bil-lah (Nuk ka fuqi e as forcë përveçse me Allahun), ata thonë: 'Je mbrojtur'. Nëse ai thotë Tevekkeltu alall-llah (Jam mbështetur tek Allahu), ata thonë: 'Je mjaftuar'. Atëherë e takojnë dy shoqëruesit e tij (shejtanët) dhe ata (melekët) thonë: 'Çfarë doni nga një njeri që është udhëzuar, mbrojtur dhe mjaftuar?'"