Transmeton Aishja: Pejgamberi (s.a.v.s.), kur shihte një re që vinte nga ndonjë anë e horizontit, linte atë që po bënte, madje edhe nëse ishte në namaz, derisa të kthehej drejt saj e të thoshte: "Allahumme inna ne'udhu bike min sherri ma ursile bihi" (O Allah, ne kërkojmë mbrojtje tek Ti nga e keqja e asaj me të cilën është dërguar). Nëse binte shi, ai thoshte dy ose tri herë: "Allahumme sejiban nafi'an" (O Allah, bëje shi të dobishëm). E nëse Allahu i Madhëruar e largonte atë pa rënë shi, ai e falënderonte Allahun për këtë.