Transmeton Ibn Omeri: Isha një djalosh i ri dhe beqar në kohën e të Dërguarit të Allahut (s.a.v.s.) dhe flija në xhami. Kur ndonjëri prej nesh shihte ëndërr, ia tregonte atë Pejgamberit (s.a.v.s.). Thashë: "O Allah, nëse ka ndonjë mirësi për mua tek Ti, më trego një ëndërr që Pejgamberi (s.a.v.s.) të ma interpretojë." Rashë të flija dhe pashë dy melekë që erdhën e më morën. Ata i takoi një melek tjetër, i cili tha: "Mos u frikëso!" Më pas më dërguan drejt Zjarrit, i cili ishte i ndërtuar si një pus. Në të kishte njerëz, disa prej të cilëve i njoha. Pastaj më dërguan nga e djathta. Në mëngjes ia tregova këtë Hafsas, ndërsa Hafsa ia tregoi të Dërguarit të Allahut (s.a.v.s.), e ai tha: "Abdullahu është njeri i mirë, sikur të falte më shumë namaz nate." Që atëherë, Abdullahu falte shumë namaz nate.