Transmeton Muadh bin Xhebeli: I Dërguari i Allahut (s.a.v.s.) u fal një ditë dhe e zgjati namazin. Kur përfundoi, ne thamë (apo ata thanë): "O i Dërguari i Allahut, e zgjate namazin sot." Ai tha: "Unë fala një namaz shprese dhe frike. I kërkova Allahut tri gjëra për umetin tim; Ai m'i dha dy dhe ma refuzoi njërën. I kërkova Atij që të mos lejojë që një armik i jashtëm të mbizotërojë mbi ta, dhe Ai ma dha këtë. I kërkova Atij që të mos i shkatërrojë ata duke u mbytur, dhe Ai ma dha këtë. Dhe i kërkova Atij që të mos ketë luftë e përçarje mes tyre, por Ai ma refuzoi këtë."