Transmeton Hudhejfe: Ishim ulur me Omerin dhe ai tha: “Kush prej jush e mban mend hadithin e të Dërguarit të Allahut (s.a.v.s.) lidhur me fitnen?” Hudhejfeja tha: “Unë.” Ai tha: “Vërtet qenke guximtar! Si e ke dëgjuar?” Ai tha: “E kam dëgjuar duke thënë: ‘Sprova e njeriut me familjen, fëmijët dhe fqinjët e tij shlyhet përmes namazit, agjërimit, sadakasë, urdhërimit për të mirë dhe ndalimit nga e keqja’.” Omeri tha: “Nuk e kisha fjalën për këtë, por për atë fitne që lëkundet si valët e detit.” Hudhejfeja tha: “Çfarë të intereson ajo ty, o Prijësi i Besimtarëve? Ndërmjet teje dhe saj ka një derë të mbyllur.” Omeri tha: “A do të thyhet kjo derë apo do të hapet?” Tha: “Jo, por do të thyhet.” Omeri tha: “Atëherë ajo nuk do të mbyllet kurrë.” Ne e pyetëm Hudhejfën: “A e dinte Omeri se kush ishte dera?” Ai tha: “Po, ashtu siç e dinte se para të nesërmes vjen nata. Unë i tregova një hadith që nuk ishte i pasaktë.” Ne kishim frikë ta pyesnim se kush ishte dera, ndaj i thamë Mesrukut: “Pyete atë.” Ai e pyeti dhe ai u përgjigj: “Omeri.”