Transmeton Ebu Musa: I Dërguari i Allahut (s.a.v.s.) ka thënë: "Para se të vijë Ora do të ketë El-Herxh." Thashë: "O i Dërguari i Allahut, çfarë është El-Herxhi?" Ai tha: "Vrasja." Disa prej muslimanëve thanë: "O i Dërguari i Allahut, ne tani vrasim kaq e aq idhujtarë brenda një viti." I Dërguari i Allahut (s.a.v.s.) tha: "Nuk bëhet fjalë për vrasjen e idhujtarëve, por ju do të vritni njëri-tjetrin, derisa njeriu do të vrasë fqinjin e tij, djalin e axhës dhe të afërmin e tij." Disa njerëz pyetën: "O i Dërguari i Allahut, a do ta kemi mendjen në vend atë ditë?" I Dërguari i Allahut (s.a.v.s.) tha: "Jo, mendja do t'u merret shumicës së njerëzve të asaj kohe, dhe do të mbeten njerëz të parëndësishëm që nuk kanë mend." Më pas el-Esh'ariu tha: "Pasha Allahun, unë mendoj se kjo do të na arrijë mua dhe juve. Pasha Allahun, nuk shoh për mua dhe ju ndonjë rrugëdalje prej saj nëse na arrin ashtu siç na ka lënë amanet Pejgamberi ynë (s.a.v.s.), përveçse të dalim prej saj ashtu siç kemi hyrë."