Transmeton Muadh bin Xhebeli: Isha me të Dërguarin e Allahut (s.a.v.s.) në një udhëtim. Një mëngjes, ndërsa po udhëtonim, iu afrova atij dhe i thashë: "O i Dërguari i Allahut, më trego për një vepër që më fut në Xhenet dhe më largon nga Zjarri." Ai tha: "Ke pyetur për një gjë të madhe, por ajo është e lehtë për atë që Allahu ia lehtëson. Adhuro Allahun dhe mos i shoqëro Atij asgjë në adhurim, fal namazin, jep zeqatin, agjëro Ramazanin dhe kryej haxhin në Shtëpi." Pastaj tha: "A dëshiron të të udhëzoj në dyert e mirësisë? Agjërimi është mburojë, sadakaja e shuan gjynahun ashtu siç e shuan uji zjarrin, si dhe namazi i njeriut në mes të natës." Pastaj ai lexoi: "Anët e tyre lënë shtretërit..." derisa arriti te: "...si shpërblim për atë që kanë punuar." Pastaj tha: "A dëshiron të të tregoj për kreun e kësaj çështjeje, shtyllën dhe kulmin e saj? Xhihadi." Pastaj tha: "A dëshiron të të tregoj për atë që i rregullon të gjitha këto?" Thashë: "Po, o i Dërguari i Allahut." Ai kapi gjuhën e tij dhe tha: "Përmaje këtë!" I thashë: "O i Dërguari i Allahut, a do të merremi në përgjegjësi për atë që flasim?" Ai tha: "Të pastë nëna o Muadh! Po a hidhen njerëzit në Zjarr me fytyrat e tyre për diçka tjetër, përveçse për atë që kanë korrur gjuhët e tyre?"