Transmeton Nu'man bin Beshiri se e ka dëgjuar të Dërguarin e Allahut (s.a.v.s.) duke thënë: E lejuara është e qartë dhe e ndaluara është e qartë, ndërsa mes tyre ka gjëra të dyshimta, të cilat shumë njerëz nuk i dinë. Ai që ruhet nga gjërat e dyshimta, e ka siguruar fenë dhe nderin e tij. Ndërsa ai që bie në gjërat e dyshimta, bie në të ndaluarën. Shembulli i tij është si ai i bariut që kullot bagëtinë rreth një zone të mbrojtur, e i cili rrezikon që ato të hyjnë në të. Vërtet, çdo mbret ka një zonë të mbrojtur, e zona e mbrojtur e Allahut janë ndalesat e Tij. Vini re! Në trup është një copë mishi, e cila nëse është e shëndoshë, i gjithë trupi është i shëndoshë, e nëse ajo prishet, i gjithë trupi prishet. Vërtet, ajo është zemra!