Transmeton Abdullah bin Amr bin el-Asi se i Dërguari i Allahut (s.a.v.s.) ka thënë: "Kur t'ju hapen thesaret e Persisë dhe të Romës, çfarë lloj njerëzish do të jeni?" Abdurrahman bin Aufi tha: "Do të themi atë që na ka urdhëruar Allahu." I Dërguari i Allahut (s.a.v.s.) tha: "Ose diçka tjetër përveç kësaj. Ju do të bëni gara me njëri-tjetrin, pastaj do t'i keni zili njëri-tjetrit, pastaj do t'ia ktheni shpinën njëri-tjetrit, pastaj do ta urreni njëri-tjetrin, ose diçka të ngjashme. Pastaj do të shkoni te të varfrit e Muhaxhirëve dhe do t'i vini disa prej tyre mbi qafat e të tjerëve."