Transmeton Abdullah bin Omeri:

I Dërguari i Allahut (s.a.v.s.) tha: "O ju gra, jepni sadaka dhe kërkoni falje sa më shumë, sepse unë kam parë se ju përbëni shumicën e banorëve të Xhehenemit." Një grua e mençur prej tyre tha: "Përse është kështu, o i Dërguari i Allahut, që ne përbëjmë shumicën e banorëve të Xhehenemit?" Ai (s.a.v.s.) tha: "Ju mallkoni shumë dhe jeni mosmirënjohëse ndaj bashkëshortëve tuaj. Nuk kam parë dikë me mangësi në arsye dhe në fe që të mposhtë një burrë të mençur më shumë sesa ju." Ajo tha: "O i Dërguari i Allahut, çfarë është kjo mangësi në arsye dhe në fe?" Ai (s.a.v.s.) tha: "Sa i përket mangësisë në arsye, dëshmia e dy grave është e barabartë me dëshminë e një burri; kjo është mangësia në arsye. Ndërsa (gruaja) kalon disa net pa falur namazin dhe nuk agjëron në Ramazan; kjo është mangësia në fe."