Transmeton Xhabiri: Kur emigrantët që u kthyen nga deti erdhën te i Dërguari i Allahut (s.a.v.s.), ai tha: "A nuk do të më tregoni për gjërat e çuditshme që keni parë në tokën e Habeshisë?" Disa të rinj prej tyre thanë: "Po, o i Dërguari i Allahut. Derisa po qëndronim ulur, pranë nesh kaloi një e moshuar prej murgjve të tyre, e cila mbante mbi kokë një enë me ujë. Ajo kaloi pranë një djaloshi prej tyre, i cili e shtyu atë duke vendosur dorën mes shpatullave të saj. Ajo ra në gjunjë dhe ena e saj u thye. Kur u ngrit, ajo u kthye nga ai dhe tha: 'O tradhtar, do ta mësosh kur Allahu të vendosë Kursinë, të tubojë të parët e të fundit dhe kur duart e këmbët të flasin për atë që kanë punuar, do ta mësosh se si do të jetë çështja ime dhe e jotja tek Ai nesër.' I Dërguari i Allahut (s.a.v.s.) tha: 'Ajo ka thënë të vërtetën, ajo ka thënë të vërtetën. Si mund ta pastrojë Allahu një popull ku nuk merret e drejta e të dobëtit prej të fuqishmit të tyre?'"