Transmeton Abdullah ibn Omeri:

I Dërguari i Allahut (s.a.v.s.) u kthye nga ne dhe tha: "O ju Muhaxhirë, janë pesë gjëra me të cilat do të sprovoheni, dhe i kërkoj mbrojtje Allahut që të mos i arrini ato: Kurrë nuk shfaqet imoraliteti në një popull në atë masë sa ta bëjnë atë haptazi, pa u përhapur në mesin e tyre murtaja dhe sëmundje që nuk kanë ekzistuar te paraardhësit e tyre që kanë kaluar. Ata nuk bëjnë hile në peshë dhe matje, pa u goditur me zi buke, vështirësi të jetesës dhe padrejtësi të sundimtarëve mbi ta. Ata nuk e ndalojnë dhënien e Zakatit të pasurisë së tyre, pa iu ndaluar shiu nga qielli; e po të mos ishin kafshët, nuk do t'u binte fare shi. Ata nuk e thyejnë besëlidhjen e Allahut dhe besëlidhjen e të Dërguarit të Tij, pa u dhënë Allahu pushtet armiqve të tyre mbi ta, të cilët do t'u marrin një pjesë të asaj që kanë në duart e tyre. Dhe derisa udhëheqësit e tyre të mos gjykojnë sipas Librit të Allahut dhe të mos zgjedhin atë që ka zbritur Allahu, Allahu do të bëjë që ata të kenë konflikte dhe luftime mes vete."