Transmeton Ubejj bin Ka'bi:

I Dërguari i Allahut (s.a.v.s.) ka thënë: "O Xhibril, çfarë është kjo aromë kaq e mirë?" Ai tha: "Kjo është aroma e varrit të krehëses së flokëve, dy djemve të saj dhe bashkëshortit të saj." Ai (Pejgamberi) tha: "Kjo histori filloi kur Hidri, i cili ishte nga fisnikët e Bijve të Izraelit, kalonte pranë një murgu në faltoren e tij. Murgu i dilte përpara dhe i mësonte Islamin. Kur Hidri arriti moshën e pjekurisë, i ati e martoi me një grua. Hidri e mësoi atë dhe i mori besën që të mos i tregonte askujt. Ai nuk u afrohej grave, kështu që u nda prej saj. Më pas i ati e martoi me një grua tjetër, të cilën gjithashtu e mësoi dhe i mori besën që të mos i tregonte askujt. Njëra prej tyre e mbajti sekretin, ndërsa tjetra e zbuloi atë, kështu që ai u largua i arratisur derisa arriti në një ishull në det. Atë e panë dy burra që po mblidhnin dru; njëri prej tyre e fshehu këtë, kurse tjetri e përhapi lajmin dhe tha: 'E kam parë Hidrin.' U pyet: 'Kush tjetër e ka parë bashkë me ty?' Ai tha: 'Filani.' Ky i fundit u pyet, por ai e fshehu. Sipas fesë së tyre, gënjeshtari vritej. Gruaja që e kishte ruajtur sekretin u martua, dhe derisa po i krihte flokët e vajzës së Faraonit, i ra krehri nga dora dhe tha: 'U shkatërroftë Faraoni!' Vajza e njoftoi babanë e saj për këtë. Gruaja kishte dy djem dhe një bashkëshort. Faraoni dërgoi njerëz t'i merrnin dhe u përpoq t'i bindte gruan dhe burrin e saj që të hiqnin dorë nga feja e tyre, por ata refuzuan. Ai tha: 'Unë do t'ju vras.' Ata thanë: 'Nëse do të na vrasësh, do të ishte mirësi nga ana jote që të na vendosësh të gjithëve në një varr.' Dhe ai e bëri këtë." Kur Pejgamberi (s.a.v.s.) u dërgua në Natën e Israsë, ai ndjeu një aromë të këndshme, pyeti Xhibrilin për të dhe ai e njoftoi.