Transmeton Ebu Hurejra: Një ditë, i Dërguari i Allahut (s.a.v.s.) doli para njerëzve dhe i erdhi një burrë e i tha: "O i Dërguari i Allahut, kur do të jetë Kiameti?" Ai tha: "I pyeturi nuk di më shumë për këtë sesa ai që pyet, por do t’i tregoj shenjat e tij. Kur robëresha të lindë zonjën e saj, kjo është nga shenjat e tij. Kur të zbathurit dhe të zhveshurit të bëhen udhëheqës të njerëzve, kjo është nga shenjat e tij. Kur barinjtë e dhenve të bëjnë gara në ndërtimin e godinave të larta, kjo është nga shenjat e tij. (Kiameti) është një prej pesë gjërave që nuk i di askush përveç Allahut." Pastaj i Dërguari i Allahut (s.a.v.s.) lexoi ajetin: "Vërtet, Allahu e ka dijen për Kiametin, Ai e zbret shiun dhe e di se ç’ka në mitra..." (deri në fund të ajetit).