Transmeton Hudhejfe ibn el-Jeman se i Dërguari i Allahut (s.a.v.s.) ka thënë: "Islami do të vjetrohet ashtu siç vjetrohen qëndisjet e rrobës, derisa të mos dihet se çfarë është agjërimi, namazi, ritet e adhurimit dhe sadakaja. Libri i Allahut të Madhëruar do të merret brenda një nate, saqë prej tij nuk do të mbetet asnjë ajet mbi tokë. Do të mbeten vetëm disa grupe njerëzish, pleq e plaka të moshuar, të cilët do të thonë: 'I kemi gjetur etërit tanë duke e thënë këtë fjalë: La ilahe il-lallah, andaj edhe ne po e themi atë'." Sileh i tha atij: "Çfarë dobie do t'u bëjë atyre 'La ilahe il-lallah', kur ata nuk e dinë se çfarë është namazi, agjërimi, ritet dhe sadakaja?" Hudhejfeja u shmang prej tij, por ai e përsëriti pyetjen tri herë dhe çdo herë Hudhejfeja i shmangej. Pastaj, herën e tretë, Hudhejfeja u kthye nga ai dhe i tha: "O Sileh! Kjo do t'i shpëtojë ata nga Zjarri!" – e tha këtë tri herë.