Transmeton Semure bën Sehm: “U ndala te Ebu Hashim bin Utbe, i cili ishte i plagosur, dhe Muaviu erdhi për ta vizituar. Ebu Hashimi qau, kështu që Muaviu i tha: ‘Pse po qan, o daja im? A po të mundon ndonjë dhimbje apo po qan për këtë botë, pjesa më e mirë e së cilës tashmë ka kaluar?’ Ai tha: ‘Jo për asnjë prej këtyre, por i Dërguari i Allahut (s.a.v.s.) më dha një porosi dhe do të dëshiroja ta kisha ndjekur atë. Ai (s.a.v.s.) tha: “Ndoshta ti do të arrijsh kohën kur pasuritë do të ndahen mes popujve, e ty të mjafton prej saj vetëm një shërbyes dhe një mjet udhëtimi në rrugën e Allahut.” Kjo kohë erdhi, ndërsa unë grumbullova pasuri.’”