Transmeton Abdullahu: Pejgamberi (s.a.v.s.) u shtri mbi një rrogoz, i cili i la gjurmë në lëkurën e tij. Unë i thashë: "O i Dërguari i Allahut, u bëfshin kurban babai dhe nëna ime për ty! Sikur të na kishit njoftuar, ne do të kishim shtruar diçka mbi të që do t'ju mbronte prej tij." I Dërguari i Allahut (s.a.v.s.) tha: "Ç'më lidh mua me këtë botë? Unë dhe kjo botë jemi si puna e një kalorësi që ndalon për të pushuar nën hijen e një peme, pastaj largohet dhe e lë atë."