Transmeton Sehl bin Sa'di: Ishim me të Dërguarin e Allahut (s.a.v.s.) në Dhul-Hulejfe, kur pamë një dele të ngordhur me këmbë të ngritura lart. Ai tha: "A mendoni se kjo është e pavlerë për pronarin e saj? Pasha Atë, në dorën e të Cilit është shpirti im, kjo botë është më e pavlerë tek Allahu sesa kjo (dele e ngordhur) për pronarin e saj. Sikur kjo botë të peshonte tek Allahu aq sa krahu i një mushkonje, pabesimtari nuk do të pinte prej saj as edhe një pikë ujë kurrë."