Transmeton Enesi: I Dërguari i Allahut (s.a.v.s.) kaloi pranë një ndërtese në formë kupole te dera e një burri prej ensarëve dhe pyeti: "Çfarë është kjo?" I thanë: "Një kupolë që e ka ndërtuar filani." I Dërguari i Allahut (s.a.v.s.) tha: "Çdo pasuri që shpenzohet kështu, do të jetë barrë e rëndë për pronarin e saj në Ditën e Kiametit." Kjo fjalë i arriti ensariut, prandaj ai e shembi atë. Më pas, Pejgamberi (s.a.v.s.) kaloi andej dhe nuk e pa më. Ai pyeti për të dhe i treguan se pronari e kishte shembur për shkak të asaj që kishte dëgjuar prej tij. Atëherë ai tha: "Allahu e mëshiroftë, Allahu e mëshiroftë."