Transmeton Ebu Seid el-Hudriu: Ishim ulur me të Dërguarin e Allahut (s.a.v.s.) kur ai tha: "Ju ka ardhur delegacioni i Abdul-Kajsit," ndërkohë që askush nuk po shihte njeri. Teksa ishim kështu, ata erdhën dhe zbritën. Shkuan te i Dërguari i Allahut (s.a.v.s.), ndërsa Eshaxh el-Asari mbeti prapa. Ai erdhi më pas, u ndal në vendqëndrim, e uli devenë e tij, ndërroi rrobat e udhëtimit dhe pastaj erdhi te i Dërguari i Allahut (s.a.v.s.). I Dërguari i Allahut (s.a.v.s.) i tha: "O Eshaxh, ti i ke dy veti që Allahu i do: gjakftohtësinë dhe maturinë." Ai pyeti: "O i Dërguari i Allahut, a janë këto veti me të cilat kam lindur apo janë të fituara?" Ai u përgjigj: "Përkundrazi, është diçka me të cilën je lindur."