Transmeton Ebu Dherri se i Dërguari i Allahut (s.a.v.s.) ka thënë: "Unë shoh atë që ju nuk e shihni dhe dëgjoj atë që ju nuk e dëgjoni. Qielli po kërcet dhe ka të drejtë të kërcesë, sepse në të nuk ka asnjë hapësirë sa katër gishta ku nuk gjendet një melek me ballin e tij në sexhde për Allahun. Pasha Allahun, po ta dinit atë që unë di, do të qeshnit pak e do të qanit shumë, nuk do të kënaqeshit me gratë në shtretërit tuaj dhe do të dilnit nëpër rrugë duke iu përgjëruar Allahut."