Transmeton Ebu Kebshe el-Enmari se i Dërguari i Allahut (s.a.v.s.) ka thënë: "Shembulli i këtij umeti është si shembulli i katër njerëzve: Një burrë të cilit Allahu i ka dhënë pasuri dhe dije, andaj ai vepron sipas dijes së tij me pasurinë e vet, duke e shpenzuar atë ashtu siç duhet; një burrë të cilit Allahu i ka dhënë dije, por nuk i ka dhënë pasuri, andaj ai thotë: 'Sikur të më ishte dhënë pasuri si këtij, do të kisha vepruar ashtu siç veproi ai'." I Dërguari i Allahut (s.a.v.s.) tha: "Ata janë të barabartë në shpërblim. Dhe një burrë të cilit Allahu i ka dhënë pasuri, por nuk i ka dhënë dije, andaj ai e shpërdoron pasurinë e tij duke e shpenzuar pa të drejtë; dhe një burrë të cilit Allahu nuk i ka dhënë as dije e as pasuri, e ai thotë: 'Sikur të kisha pasuri si këtij, do të kisha vepruar ashtu siç veproi ai'." I Dërguari i Allahut (s.a.v.s.) tha: "Ata janë të barabartë në mëkat."