Transmeton Abdullah bin Mes'udi se Pejgamberi (s.a.v.s.) vizatoi një katror, pastaj vizatoi një vijë në mes të katrorit, disa vija të vogla anash vijës së mesit dhe një vijë tjetër që dilte jashtë katrorit. Ai tha: "A e dini se çfarë është kjo?" Ata thanë: "Allahu dhe i Dërguari i Tij e dinë më së miri." Ai tha: "Ky është njeriu (vija e mesit), ndërsa këto vijat anash tij janë sprovat dhe fatkeqësitë që e sulmojnë nga çdo anë. Nëse i shpëton njërës, e godet tjetra. Katrori rrethues është afati i tij i jetës, ndërsa vija që del jashtë tij është shpresa."