Transmeton Ebu Dherri: I Dërguari i Allahut (s.a.v.s.) ka thënë: "Vërtet, Allahu i Bekuar dhe i Lartësuar thotë: 'O robërit e Mi, të gjithë ju jeni mëkatarë, përveç atij që Unë e kam falur, andaj kërkoni falje prej Meje që t'ju fal. Kushdo prej jush që e di se Unë jam i Fuqishëm për të falur dhe më kërkon falje përmes fuqisë Sime, Unë do ta fal atë. Të gjithë ju jeni të humbur, përveç atij që Unë e udhëzoj, andaj kërkoni udhëzim prej Meje që t'ju udhëzoj. Të gjithë ju jeni të varfër, përveç atij që Unë e pasuroj, andaj kërkoni prej Meje që t'ju furnizoj. Edhe nëse të gjallët dhe të vdekurit tuaj, të parët dhe të fundit tuaj, të njomët dhe të tharit tuaj, do të bashkoheshin dhe do të ishin si zemra e njeriut më të devotshëm prej robërve të Mi, kjo nuk do ta shtonte sundimin Tim as sa krahët e një mushkonje. Dhe nëse ata do të bashkoheshin e të ishin si zemra e njeriut më të lig prej robërve të Mi, kjo nuk do ta pakësonte sundimin Tim as sa krahët e një mushkonje. Edhe sikur të gjallët dhe të vdekurit tuaj, të parët dhe të fundit tuaj, të njomët dhe të tharit tuaj, të mblidheshin bashkë dhe secili prej tyre të kërkonte gjithçka që dëshiron, kjo nuk do ta pakësonte sundimin Tim më shumë sesa kur ndonjëri prej jush kalon pranë bregut të detit, zhyt një gjilpërë në të dhe pastaj e nxjerr atë. Kjo është sepse Unë jam Bujar dhe i Madhëruar; dhënia Ime është vetëm një fjalë, kur Unë dëshiroj diçka, vetëm i them asaj: 'Bëhu!' – dhe ajo bëhet.'"