Transmeton Aisheja: I Dërguari i Allahut (s.a.v.s.) ka thënë: "Kush dëshiron takimin me Allahun, edhe Allahu dëshiron takimin me të; ndërsa kush e urren takimin me Allahun, edhe Allahu e urren takimin me të." Iu tha: "O i Dërguari i Allahut, a do të thotë urrejtja e takimit me Allahun urrejtje ndaj vdekjes? Sepse ne të gjithë e urrejmë vdekjen." Ai tha: "Jo, por kjo ndodh vetëm në çastin e vdekjes. Nëse ai përgëzohet me mëshirën dhe faljen e Allahut, ai e dëshiron takimin me Allahun dhe Allahu e dëshiron takimin me të; ndërsa nëse lajmërohet për dënimin e Allahut, ai e urren takimin me Allahun dhe Allahu e urren takimin me të."