Transmeton Ebu Saidi: I Dërguari i Allahut (s.a.v.s.) ka thënë: “Në Ditën e Kiametit do të vijë Pejgamberi i shoqëruar nga një njeri, do të vijë Pejgamberi i shoqëruar nga dy njerëz, do të vijë Pejgamberi i shoqëruar nga tre, e më shumë ose më pak se aq. Atij do t’i thuhet: ‘A e ke përcjellë mesazhin te populli yt?’ Ai do të thotë: ‘Po.’ Pastaj do të thirret populli i tij dhe do t’u thuhet: ‘A ua ka përcjellë ai mesazhin juve?’ Ata do të thonë: ‘Jo.’ Atëherë do t’i thuhet (Pejgamberit): ‘Kush dëshmon për ty?’ Ai do të thotë: ‘Muhamedi dhe umeti i tij.’ Kështu, do të thirret umeti i Muhamedit dhe do t’u thuhet: ‘A e ka përcjellë ky (Pejgamber) mesazhin?’ Ata do të thonë: ‘Po.’ Ai do të thotë: ‘Si e dinit këtë?’ Ata do të thonë: ‘Pejgamberi ynë na njoftoi se të dërguarit e kishin përcjellë mesazhin dhe ne i besuam atij.’ Kjo është ajo që thotë Allahu: {Dhe kështu, Ne ju bëmë juve një umet të drejtë, që të jeni dëshmitarë mbi njerëzimin dhe që i Dërguari (s.a.v.s.) të jetë dëshmitar mbi ju}.”