Transmeton Ibn Omeri: Ishim me të Dërguarin e Allahut (s.a.v.s.) në njërën prej betejave të tij. Ai kaloi pranë disa njerëzve dhe pyeti: "Kush janë këta njerëz?" Ata u përgjigjën: "Ne jemi muslimanë." Një grua po ndizte furrën e saj dhe me vete kishte djalin e saj; kur flakët e furrës u lartësuan, ajo e largoi djalin. Ajo erdhi te Pejgamberi (s.a.v.s.) dhe e pyeti: "A je ti i Dërguari i Allahut?" Ai u përgjigj: "Po." Ajo tha: "Qofshin flijuar babai dhe nëna ime për ty! A nuk është Allahu më i Mëshirshmi i mëshiruesve?" Ai tha: "Gjithsesi." Ajo pyeti: "A nuk është Allahu më i mëshirshëm ndaj robërve të Tij sesa nëna ndaj fëmijës së saj?" Ai tha: "Gjithsesi." Ajo tha: "Nëna nuk e hedh fëmijën e saj në zjarr." Atëherë i Dërguari i Allahut (s.a.v.s.) uli kokën dhe qau. Pastaj e ngriti kokën drejt saj dhe tha: "Vërtet, Allahu nuk ndëshkon asnjë prej robërve të Tij, përveç atij që është kryeneç e rebel, i cili tregohet kryelartë ndaj Allahut dhe refuzon të thotë: La ilahe il-lallah."